Woh vaadiyon ka sannata
woh nadi ka shor
hwa tez thi par halki halki dhoop thi sab aur..
kahin se ek awaaz aayi
jaise ruh ne pukara ho..
safar ki balcony me baithe
Jindagi ne liya ek mod...
door des se aake bhi woh apni si lagi
Dil atak sa gaya jab jab woh paas lagi..
Main dekhta raha woh sharmati rahi
Uski har nazar mujhe bulati rahi
har baar ki tarah coffee ne kaam banaya tha
usne jab kulhad apne labo ko lagaya tha..
Muskurahat dekhi uske chehre pe
To neela aasmaan bhi sharmaya tha..
na naam pata na kaam pata
ab kahan girdhar ko ishq ki jaat pata
Ali bhai se pucha ab kya kare
Kuch to iska ilaaz bata..
